Inventario Municipal xa funciona en Cataluña: RPEL, libros e versión en catalán

Que incorporamos

Inventario Municipal xa traballa coa normativa catalá. Tres novidades para os concellos de Cataluña:

• Vista por libros do RPEL. Os libros A a E, divididos nos epígrafes do artigo 106 do Decreto 336/1988. O libro e o epígrafe calcúlanse a partir da clasificación, a situación patrimonial e a natureza xurídica de cada ficha; non fai falta reclasificar nada.
• Datos que pide o manual. Titular, contraparte en cesións, adscricións e arrendamentos, uso do dominio público e condicións de reversión, nas mesmas fichas que xa usan o resto de concellos.
• Todo en catalán. A aplicación, a web e estas páxinas están dispoñibles en catalán, e a web ten o seu propio dominio: inventarimunicipal.cat.

Para quen é

Para os concellos que hoxe levan o inventario en follas de cálculo ou nun programa que non fala o idioma do RPEL, e para os que queren pasar dun programa a outro sen perder o histórico. Xa migramos o inventario dun concello catalán e o do seu museo con todas as fichas, baixas incluídas.

Que se pode facer sen esforzo

• Cambiar entre a vista por epígrafes e a vista por libros cando faga falta.
• Sacar o Libro de Inventario e os informes no formato catalán.
• Completar datos desde o Catastro: referencia, superficie, valor catastral e planos.

Se queres ver como quedaría o inventario do teu concello, escríbenos e amosámosllo cos teus datos.